9-сентябрда «Комуз күнү» белгиленет. Бул тууралуу Маданият министрлигинен билдиришти.
Быйылкы майрам күндү белгилөө “Камбаркан”жана “Ибарат” өндүү чыгармалары улуттук музыканын классикасына айландырган залкар комузчу Карамолдо Орозовдун 140 жылдык мааракесине арналат.
Бул күнү улуттук филармонияда Кыргызстандын Улуттук тарых музейи тарабынан көчмө көргөзмө, Кинематография департаменти тарабынан Карамолдо Орозов тууралуу 10 мүнөттүк чакан тасма көрсөтүлүп, салттуу музыка өнөрүнүн алып жүрүүчүлөрү жана комузчулардын катышуусунда чоң программадагы концерт көрсөтүлөт.
Белгилей кетсек, комуз күнү 2019- жылдан бери салтанаттуу белгиленип келет.
