УКМК тарабынан синтетикалык баңгизаттарды жеткирүү жана таратуу боюнча дагы бир каналга бөгөт коюлуп, эл аралык баңгизат кылмыштуу тобунун мүчөлөрү кармалды.
«Чүй облусунун Аламүдүн районунун Константиновка айылына жакын жерде, “Ак-Жол көзөмөлдөп-өткөрүү пунктту – Бишкек шаарынын унаа жолунда” 30 жаштагы жана 31 жаштагы эки чет элдик жаран кармалды. Алардын жанынан жалпы салмагы 2 кг 800 граммды түзгөн синтетикалык «мефедрон» баңгизаты алынды. Анын базар баасы 1 гр 6 миң сомго бааланып, Кыргызстандын аймагында кармалган баңги жүктүн баасы болжол менен 15 миллион сомду же 168 миң АКШ долларын түзөт», — деп айтылат маалыматта.
Кармалган чет элдик жарандар тергөө амалдары бүткөнгө чейин УКМКнын тергөө абагына киргизилди. Учурда бул баңги каналынын башка мүчөлөрүн аныктоо боюнча ыкчам-издөө иш-чаралары уланып, бул багытта активдүү иштер жүргүзүлүүдө.
