Чүй облусунда кызды никеге туруу максатында ала качууга шектүүлөр кармалды. Бул тууралуу Чүй ОИИББнин басма сөз кызматынан билдиришти.
Маалыматка ылайык, 13-январда Сокулук райондук ички иштер бөлүмүнө Кожомкул айылынын 2007-жылы туулган С.А. аттуу тургуну арыз менен кайрылган. Ал арызында аталган күнү болжол менен саат 00:30 чамасында «Н» аттуу чала таанышы никеге туруу максатында “Step Wagon” үлгүсүндөгү автоунаага күчтөп отургузуп, уурдап кетишкенин билдирген.
Аталган факты боюнча Кыргыз Республикасынын КЖКнын 172-беренеси (Никеге туруу максатында ала качуу) менен кылмыш иши козголгон.
Издөө иш-чараларынын жүрүшүндө 2001-жылы туулган Б.Н. жана 2002-жылы туулган Ш.Н. кармалып, убактылуу кармоочу жайга киргизилген.
Учурда кылмыш иши боюнча тергөө иштери улантылууда.
