Чүй районунда уурулукка шектүү жаран кармалды. Бул тууралуу Чүй ОИИББнын басма сөз кызматы билдирди.
Маалыматка ылайык, 7-апрель күнү Чүй районунун ИИБүнө 1994-жылы туулган К.М. аттуу жаран арыз менен кайрылып, анда үйүнөн 9000 сом акчасын белгисиз бирөөлөр уурдап кетишкенин билдирген.
Бул факты Кылмыштардын бирдиктүү реестрине Кылмыш-жаза кодексинин 205-беренеси (Уурдоо) боюнча катталып сотко чейинки өндүрүш иштери башталган.
Жүргүзүлгөн ыкчам иштердин натыйжасында, жогорудагы кылмышка шектелип 1982-жылы туулагн К.В. аттуу жаран кармалып тергөө кызматына өткөрүлүп берилген.
Учурда шектүүнүн дагы башка кылмыштарга тиешеси бар же жок экендиги боюнча териштирүү иштери жүргүзүлүүдө.