«Чалдыбар-унаа жолу» көзөмөл-өткөрүү пунктунун келишимдик аскер кызматкеринин башына ок тийип, жаракат алган. Бул тууралуу УКМКнын Чек ара кызматынан кабарлашты.
Алдын ала маалыматтар боюнча, кырсык куралга этиятсыз мамиле кылуунун кесепетинен болгон. Анда 2001-жылы туулган Ж.А. башынан ок тийип, жаракат алган.
«Аскер кызматкери Кара-Балта шаарындагы аймактык ооруканага жеткирилген. Анын ден соолугу оор деп бааланып, комада жатат»,-деп берилет маалыматта.
Бул факты боюнча тиешелүү түзүмдөргө кабарланып, окуя болгон жерде Бишкек гарнизонунун Аскердик прокуратурасынын өкүлдөрү иш алып барууда.
