Жогорку Кеңештин бүгүнкү жыйынында Чоң-Алай районундагы алтын кендин алтындары уурдалып жаткандыгы тууралуу айтылды. Депутат Аккулу Бердиев, Кумтөр боюнча мамлекеттик комиссияга Чон-Алайдагы алтын кенге да көз салып коюуну сунуштады.
«Чоң-Алай районунда алтын кен бар. Аны атайылап, кору аз деп көрсөтүп жатышат. Ал гана эмес ЖКнын депутаттары да 40 килограммдай эле кору бар экен дешти. Бул жерде сыр каткан болуп, атайлап маалыматты жашырып, чыккынчылык кылгандар бар. Анткени Чоң-Алайдагы алтын кен Кумтөрдөн да чоң деген маалыматты уктук.
Маселен, 2020-жылы Кытайга 14 тонна алтын концентратын чыгарып кетти. Ушуну бир көзөмөлгө алсаңыздар«-деп айтты.
Маалыматка ылайык каржы полициясы иш козгогон, Эркештамдын постунда 17 фура токтоп турат, бирок иштин натыйжасы байкалбайт.
Эл өкүлү бул жерде да Кумтөрдөгүдөй эле мафия бар деп эсептейт.
