Бүгүн Чолпон-Ата шаарында туристтик сезондун ачылышынын алдында Шанхай кызматташтык уюмунун Run the Silk Road – 2025 эл аралык марафону өттү.
Министрлер кабинетинин төрагасынын орун басары Бакыт Төрөбаев бул марафондун катышуучуларын жана конокторун куттуктады. Ал бул иш-чара спорттук жетишкендиктердин аянтчасы гана болбостон, ШКУга кирген мамлекеттердин ортосундагы достукту чыңдоого салым кошуп, жарандарды активдүү жана сергек жашоого үндөй турганын белгиледи.
Төрөбаев президент Садыр Жапаровдун жигердүү колдоосунун аркасында өлкөдө спортту өнүктүрүүдө олуттуу жылыштар болуп жатканын белгиледи.
Марафондун алкагында жөө күлүктөр төмөнкү аралыктарда жарышты: марафон (42,2 км), жарым марафон (21,1 км), 10 км жана 3 км, ошондой эле скандинавиялык басуу.
