Курулушта сертификаттоонун республикалык борборунун адистери жолдордун сапатын текшерүүнү улантууда.
Бул жолу Ысык-Көл облусунун Чолпон-Ата шаарындагы Чыңгыз Айтматов, Акматбай-Ата жана Школьная көчөлөрүндө курулуп жаткан жолдор көзөмөлдөндү.
Текшерүү учурунда жол жабындысынан үлгүлөр алынып, лабораториялык анализге жөнөтүлдү. Анын жыйынтыгында курулуш иштеринин сапаты жана долбоор талаптарына шайкештиги аныкталат.
Адистер белгилегендей, жолдордун сапатын камсыздоо үчүн мындай көзөмөл иштерин туруктуу негизде жүргүзүү каралган.
