Дүйнө эли эсине келип этегин жыйганча Израиль бир миллиондон ашык жаранга эмдөө жасап, дүйнөлүк рекорд койду. Бул тууралуу чет элдик маалымат булактары жазып чыгышты.
Маалыматка ылайык, бул көрсөткүч киши башына эсептегенде абсолюттук дүйнөлүк рекорд болуп эсептелинет.
Израиль эмдөөнүн натыйжасында бул эпидемиядан февраль айында толук кутулууну ниеттенишүүдө. Буга чейин 100 кишиден 11,5 эмдөө болгон. Айдын аягына чейин өлкө 2 миллион адамды, дээрлик ар бир төртүнчү тургунду эмдөөдөн өткөрөт. Эмдөөнүн көрсөткүчү боюнча Израилден кийин Бахрейн (100 адамга 3,5) жана Улуу Британия (100 адамга 1,5) турат.
