Бүгүн Жогорку Кеңештин жыйынында депутат Айбек Маткеримов Баткенден келген студенттерди колдоп, окуудан жеңилдик берүүнү сунуштады.
“Кечээ мага Баткендин тургандарынан ,Жогорку окуу жайдагы окуп жаткан студенттерден кайрылуу келди. Кыргыз-тажик окуясына байланыштуу кээ бир студенттер окууга келбей калып, жаман окуядан улам окууга көңүлдөрү жок болгон. Азыр модулдар, зачеттор башталыптыр, коррупцияга батып калган окуу жайлар 2000ден 5000ге чейин акча талып кылып жатышыптыр.Кечээки болгон каргашалуу окуяны эске алып, баткендик студенттерибизге бардык окуу жайдан, кышкы сессиялардан жеңилдик берип, автоматтык түрдө зачетторун коюп берсе, кийин окууларын улантып кетсе керек эле . Анткени азыр алар өтө чоң психикалык жабыр тартышты”,- деди ал.