Парламенттеги Транспорт, коммуникация, архитектура жана курулуш боюнча комитетинин жыйыны болбой калды. Буга Транспорт министрлигинин жетекчиси Тилек Текебаевдин келбей калганы себеп болгон.
Комитет төрагасы Мурадил Сыдыков белгилегендей, депутаттар «Жол фонду жөнүндө» мыйзамдын аткарылышы боюнча министрдин маалыматын, жолдорду жана жол курулуштарын оңдоочу объектилердин бириктирилген титулдук тизмесин угушу керек болчу.
“Урматтуу министр бул жолу да жок. Бизде атайын комиссия бар. Тилек Текебаев кечээ Эл аралык иштер, коргоо, коопсуздук жана миграция боюнча комитетке катышты. Бул сыйлабастык. Мыйзам долбоорлору өтпөй калганда гана келет экен”, — деп нааразы болду депутат Улугбек Ормонов.
