Чүйдө 182 талапкерден 69 адам ийгиликтүү тапшырды. Бул тууралуу Билим берүү жана илим министринин басма сөз кызматы билдирди.
Маалыматка ылайык, Чүй облусундагы мамлекеттик жана муниципалдык билим берүү уюмдарынын жетекчилеринин бош кызмат орундарына компьютердик тестирлөө өткөрүлдү.
Чүй облусу боюнча тестке катышууга 182 талапкер документ жиберген.
Тестирлөөнүн жыйынтыгы менен 69 талапкер босого баллдан жана андан жогору упай топтоду. Бул катышуучулардын 38%ын түзөт.
Эскерте кетсек, конкурс Билим берүүнүн сапатын баалоо жана маалымат технологияларынын улуттук борбору тарабынан өткөрүлүүдө.
