Кыргыз көк бөрүчүлөрү Астанада өтүп жаткан V Дүйнөлүк көчмөндөр оюндарында алгачкы беттешинде Өзбекстан командасын 12:6 эсебинде жеңди.
Кыргыз спортчулары “А” тайпасында биринчи орунду камсыздады. Топто булардан тышкары Россиянын улакчылары бар.
Турнирге кыргыз улакчылары көк бөрү (тай казан менен) жана көкпар боюнча катышууда. 18 спортчу Астанага барган, анын ичинен алтоо эки командага тең кошулуп ойной алат.
Белгилей кетсек, буга чейин кыргыз улакчылары көкпар боюнча Монголия командасын 16:0 менен жеңип алган.
