Эмилбек Абдыкадыров мэриянын «Алтын Төш белгиси» менен сыйланды. Бул тууралуу мэриядан билдиришти.
Маалыматка караганда, шаардык муниципалитеттин жамааты мэр Айбек Жунушалиев менен Бишкек шаардык кеңешинин төрагасы Куванычбек Конгантиевдин төрагалыгы алдында борбор калаанын мурдагы мэри Эмилбек Абдыкадыровду узатышкан.
“Айбек Жунушалиев жана Куванычбек Конгантиев экс — мэрдин борбор калааны өнүктүрүүдө — жалпы билим берүүчү жана социалдык мекемелерди курууда, автобустарды ишке киргизүү жолу менен транспорттук көйгөйлөрдү чечүүдө, турак-жай конуштарын газдаштырууда, санитардык полигонду өчүрүүдө олуттуу салым кошкондугу үчүн мэриянын «Алтын Төш белгиси» менен сыйлашты” – деп айтылат маалыматта.
Эмилбек Абдыкадыров президенттин Ысык-Көл облусундагы ыйгарым укуктуу өкүлү болуп дайындалган.
