Бишкекте «Эл эмне жейт» тез татым жайында массалык уулануу болду. Бул тууралуу шаардык мамлекеттик санитардык-эпидемиологиялык көзөмөлдөө борборунан билдиришти.
Билдирүүгө ылайык, 5-май күнү «Эл эмне жейт» тез татым жайында 11 адам шаурма жегени аныкталган.
«Аталган тез татымга 13 миң сом айып салуу жөнүндө токтом кабыл алынды жана бузууларды жоюу үчүн санитардык буйрук берилди.
Уулануунун себептери такталып, лабораториялык изилдөөлөрдүн жыйынтыгы чыкканга чейин аталган тез татым убактылуу жабылды», — деп берилет билдирүүдө.