Бишкекте электр самокаттар жана башка жеке мобилдүү каражаттар үчүн жаңы эрежелер киргизилет. Бул тууралуу мэрия билдирди.
Маалым болгондой, бул чечим 22-майда өткөн жол-транспорт инфраструктурасын өнүктүрүү боюнча штабдын жыйынында кабыл алынды.
Жаңы эрежеге ылайык:
— электр самокаттардын ылдамдыгы 15 км/сааттан ашпайт;
— атайын токтотуучу жайлар сары белгилер менен белгиленет;
— 3 сааттан ашык уруксатсыз жерде турган самокаттар эвакуацияланат;
— үчүнчү тарапка келтирилген зыян үчүн милдеттүү камсыздандыруу киргизилет.
Мындан тышкары, Бишкекте веложол тилкелерин көбөйтүү иштери улантылары белгиленди.
