КТРКнын мурдагы башкы директору Илим Карыпбековдун социалдык баракчасы аркылуу «Урматтуу Алабукалар» деп кайрылган билдирүүсү интернет колдонуучулардын нааразычылыгын жаратты. Алардын катарында белгилүү ырчы Эмил Балтагулов да бул жазылган постко «Ала-Бука элинен кечирим сурасын» деген жеке пикирин калтырган.
«Илим байке дегээлиңиз өтө ылдый түшүп кетти. Күчтүү адам деп билчү элем. Биз жакка сөз тийгизүүгө жол бербейбиз. Акылыңыз менен болсоңуз жакшы болот. Өчүрүп койбосоңуз, кызуу кандуу Ала Букалык катуу уруп койсо болушпайбыз»-деп жазылат билдирүүдө.
Эске салсак, Илим Карыпбеков интернет баракчасына
«Урматтуу алабукалар….. Танаев деген ПМ бар эле Аскар Акаевич учурунда. Ошол киши Ала-Букага келип, чогулган эл алдына чыгып, сөзүн: «Урматтуу ала-букалыктар» деп кыргызча баштап жакшы көрүнөм деп, «Урматтуу алабукалар…» деп айтып алды эле. Ошондо мен Танаев мырзаны ит эле болду жаңылып деп жүргөм. Ошо, анан, Танаев мырзанын арбагынан кечирим сурайм, жаңылбаптыр, алабукалар деле бар экен», — деген пикирин калтырган.