“Эне үйү” ресурс борборунда жаш энелерди кесипке үйрөтүүчү тигүү цехи ачылды. Ачылыш аземине миграция министринин орун басары Аида Исатбек катышты.
Ведомствонун маалыматына ылайык, цех энелерге тигүүчүлүк көндүмдөрүн үйрөтүп, жумушка орношууга жана экономикалык жактан өз алдынча болууга жардам берет.
Иш-чарада турмуштук оор кырдаалга кабылган аялдарды колдоо, үй-бүлөлөрдү бекемдөө жана социалдык жетимдиктин алдын алуу маселелери талкууланды.



