Бүгүн Кыргызстандын футбол боюнча жаштар курама командасы Япония менен беттешет.
Таймаш 2025-жылы өтө турган Азия кубогуна тандап алуу оюндарынын алкагында уюштурулат.
Оюн Бишкектеги Дөлөн Өмүрзаков атындагы стадиондо болот.
Эске салсак, Кыргызстандын жаштар курама командасы I тайпада Мьянма, Түркмөнстан жана Япония командалары менен бирге жайгашкан. Турнирдин биринчи турунда кыргыз спортчулары 25-сентябрда Мьянманы 2-0 эсебинде жеңген.
Ал эми 27-сентябрда Түркмөнстандын командасын 1:0 менен уткан.
Тандап алуу оюндарына жалпысынан 10 тайпага бөлүнгөн 45 курама команда катышууда. Азия биринчилигинин финалдык бөлүгүнө тайпанын жеңүүчүсү жана тайпада эң мыкты көрсөткүчтөр менен экинчи орунду ээлеген беш курама жолдомо алат.
