Ишкердикти каттоодо туура эмес салык режимин тандап алган жарандар аны өзгөртө алышат. Бул тууралуу Мамлекеттик салык кызматы билдирди.
Маалыматка ылайык, ишкер бизнесин каттоодо салык режимин өз алдынча тандайт. Эгер тандалган режим ылайыксыз болуп калса, мамлекеттик каттоодон өткөн күндөн тартып 15 календардык күндүн ичинде аны өзгөртүү тууралуу арыз берүүгө мүмкүнчүлүк бар.
Белгиленген мөөнөт өтүп кеткенден кийин салык режимин жалпы тартипте гана өзгөртүүгө болот.
Арызды салык органына барбастан эле Салык төлөөчүнүн кабинети аркылуу онлайн тапшырууга болот.
