Рейкьявиктен алыс эмес жерде жайгашкан «Фаградальсфьядль» жанар тоосунун атылышы өткөн жума күнү башталган, анда тоонун капталында узундугу жүз метрден ашуун жарака пайда болуп, лава ошол жерден агып баштаган.

Вулкан Исландиянын жашоочулары үчүн күтүүсүз атылуу болгон жок. Буга чейин миңдеген майда силкинүүлөр болуп, адатта вулкан ойгоно тургандыгын жарыялаган.

Башында бийлик 800 жылдан бери уктап келе жаткан жанар тоо атмосферага күл жана уулуу газдардын колонналарын ыргытып жибериши мүмкүн деп чочулап, ага барчу жолду бууп, жада калса уулануудан сактануу үчүн тургундарга терезелерди ачпоого кеңеш берген. Бирок, көп өтпөй жанар тоо тынчып, ишемби күнү ага кирүү мүмкүнчүлүгү ачылды.

«Бул таптакыр укмуштуудай көрүнүш», — деп билдирди Ульвар Кари Йоханссон журналисттерге. Ал вулканды эң алгачкылардан болуп жакындан көргөн.

Сейсмологдордун айтымында, жанар тоодон буга чейин болжол менен 300 миң куб метр лава агып чыккан, бирок атылуунун өзү алсыз болгон.