Италиялык теннисчи Янник Синнер Австралиянын ачык чемпионатын (Australian Open) жеңип алды.
Ал финалда орусиялык Даниил Медведевге туш келген. Синнер бул мелдешти уткан Италиянын алгачкы өкүлү болуп калды.
22 жаштагы спортчу Чоң шлемге кирген турнирдин жүрүшүндө белгилүү атаандаштарын, анын ичинде жарым финалда чемпионаттын былтыркы жеңүүчүсү, атактуу Новак Жоковичти утуп, сербиялык теннисчинин көп убакыттан берки үстөмдүгүнө чекит коё алган.
Бул жарышка чейин Синнер дүйнөлүк рейтингде төртүнчү, ал эми Медведев 3-орунда турган.
