Селекцияда күйөөсү тарабынан кескиленген келиндин операциясына 45 миң доллар кетет. Бул тууралуу социалдык тармактагы баракчасында келиндин жакыны билдирген.
Маалыматка караганда, операция үчүн түрк клиникасынан болжолдуу баа айтылган.
«Аселге 2 операция жасалат. 45 миң доллар керек болот. Убакыт 2 жума. Ушул 2 операция жасалгандан кийин гана түрк дарыгерлери бекер пластикалык операция жасап беришет», — деп жазды ал.
Жакындары кечээ, 27-сентябрда да сүрөт жүктөп, мурду менен кулагынан тамтык калбаганын жазган болчу. «Акча чогултуу иштери уланып жатат. Биз Түркияда котормочулукка 6 айга аял жалдашыбыз керек. Дарылар кымбат, учактын билетине, ал жерде жашоого жана узак дарыланууга акча керек», — деген.
