Кримтөбөл Камчы Көлбаевдин мамлекеттин эсебине өткөн кымбат баалуу автокөлүктөрүн аукционго коюп, сатышат. Бул тууралуу жергиликтүү басылмалар Мамлекеттик мүлктү башкаруу фондуна таянып жазып чыгышты.
Электрондук аукцион 11-декабрда саат 12:00дө башталат. Ага катышууну каалагандар 20-ноябрдан 11-декабрга чейин арыз калтырса болот.
Темир тулпарлардын бийлик сунуштаган баштапкы баасы:
- 2021-жылкы BMW Alpina XB7 — 18 млн. сом;
2019-жылкы Hyundai Genesis — 2,8 млн. сом;
2019-жылы Kia Rio X-Line — 1,15 млн. сом;
2017-жылкы Mercedes-Benz S600 — 25,5 млн. сом;
2013-жылкы Mercedes-Benz G500 — 5,4 млн. сом;
2005-жылкы Toyota Land Cruiser Prado — 1, 25 млн сом.
Белгилей кетсек, алты автоунаанын жалпы баасы азырынча 54,1 миллион сом болууда.
