Кайын журтуна мал союшуп, кайра этин түндөп уурдап кеткен күйө бала талкууда. Бул тууралуу маалымат социалдык баракчаларда байма-бай тарап, кызуу талкууга алынды.
Маалыматка ылайык, окуя Казакстандын Жамбыл облусунда болгон. Ал кайын журтуна мал союуга жардамдашканы келген, бирок түнкүсүн кайра келип эттин баарын уурдап кеткен.
«Үй ээлери эрте менен эт сакталган кампаны караганда, эшик талкаланып этти уурдап кетишкенин билишкен. Бул окуяга күйөө баласынын тиешеси бар экени түздөн-түз аныкталган. Тергөө амалдарынын жүрүшүндө шектүү уурулук учурунда мас болгонун жана согумду асып жеш максатында алгандыгын мойнуна алган», — деп айтылат маалыматта.
