Быйыл дыйкандар жана фермерлер 6,7 млрд сомго 2 186 даана заманбап айыл-чарба техникаларын лизинг аркылуу алышты. Бул тууралуу Суу ресурстары, айыл чарба жана кайра иштетүү өнөр жайы министрлиги маалымат таратты.
“2011-жылдан тартып министрлер кабинетинин колдоосу менен Министрликтин демилгеси аркылуу «А Банк» жана «Элдик Банк» ААКлары тарабынан 7 лизинг долбоору ишке ашырылып келет. Долбоордун алкагында айыл чарба техникалары жана кайра иштетүү тармагына керектүү жабдуулар 6% жылдык үстөк менен 7 жылдык мөөнөткө жеңилдетилген шартта лизингге берилүүдө”— деп айтылат билдирүүдө.
Баса белгилей кетсек, мамлекеттик лизинг долбоорлору аркылуу жалпы суммасы 24,8 млрд сомго 11 986 даана айыл чарба техникасы дыйкандарга берилди.
