Калкты тейлөө борборлору 1-майдан 12-майга чейин иштебейт. Бул тууралуу Санариптик өнүктүрүү министрлигинен кабарлашты.
«Мамлекеттик кызматтарды алуу үчүн «Түндүк» порталы же мобилдик тиркемеси аркылуу онлайн кызматтарды пайдаланууну сунуштайбыз — бул ыңгайлуу, тез жана кезексиз»,- деп айтылат маалыматта.
Ал эми 12-майдан тартып ишин кадимки тартипте улантышат.
Жаңы Эмгек кодексине ылайык, 1-8-май — эс алуу күндөрү деп белгиленген. Календарда 9-май кызыл болсо, 10-11-май — дем алыш күндөргө туш келет.
