Сокулукта 2 унаа кагышып, 21 жаштагы жигит мерт кетти. Бул тууралуу ӨКМнин басма сөз кызматы билдирди.
Маалыматка ылайык, аталган кырсык Фрунзе көчөсүндө катталып, «КамАЗ» менен «Хонда Авансир» үлгүсүндөгү унаалар кагышкан. Кырсыктын кесепетинен «Хонда Авансир» унаасынын 2000-жылы туулган айдоочусу каза болду.
ӨКМдин куткаруучулары каза болгон жаранды унаадан чыгарып, ИИМ кызматкерлерине өткөрүп беришкен.