Кримтөбөл Камчы Көлбаевдин бир тууган иниси Жолдошбек Көлбаев Дзюдо федерациясынын башчысы кызматынан кетти. Бул тууралуу аталган федерациядан билдиришти.
Маалыматка ылайык, Көлбаев өз каалоосу менен ээлеген кызматынан бошотуу тууралуу арыз жазган.
Анын ордуна Конгантиев Куванычбек Камбаралыевич «Париж-2024» олимпиада айлампасынын аягына чейин Дзюдо федерациясынын башчысы милдетин аткаруучусу болуп дайындалды.
Эске салсак, Жолдошбек Көлбаев федерацияны 2016-жылдан бери жетектеп келген. Ал Борбордук Азиядагы аймактык дзюдо академиясынын директору бойдон калды.
