Казакстандын Караганды облусунда хоккей сүйүүчүлөрдүн беттеши трагедиялуу аяктады. Окуя түнкү хоккей сүйүүчүлөрдүн лигасынын алкагындагы беттеш учурунда болгон.
Оюнчу беттештин башында, сап түзүү учурунда күтүүсүздөн өзүн жаман сезип, кулап түшкөн. Лиганын өкүлдөрүнүн айтымында, окуя болгон жерде алгач биринчи медициналык жардам көрсөтүүгө аракет кылышкан, андан кийин тез жардам чакырылган. Бирок, аталган киши дарыгерлер келгенге чейин каза болгон.
Караганды облустук Саламаттыкты сактоо департаменти бул маалыматты тастыктады.
Маркум СКА-Приозерск командасынын 46 жаштагы оюнчусу болгон. Ал Россиянын жараны экендиги жана Караганды шаарына иш сапары менен келгендиги аныкталган.
Учурда окуянын бардык жагдайлары аныкталууда.
Посмотреть эту публикацию в Instagram
