Каракол шаарында аял кишини өлтүрүүгө шектелип 34 жаштагы А.А. аттуу жаран кармалды. Бул тууралуу Ысык-Көл облустук ички иштер башкармалыгынын басма сөз кызматы билдирди.
Маалыматка ылайык, милиция кызматкерлерине анын кошуналары кайрылып, Б.Ч.нын жансыз денесин табышканын кабарлашкан. Алар маркумдун денесинен көгөргөн тактарды байкашкан.
Окуя болгон жерге тергөө-ыкчам тобу барганда уктоочу бөлмөдөн 42 жаштагы Каракол шаарынын тургуну Б.Ч.нын жансыз денеси табылган.
«Факты КР Кылмыш-жаза кодексинин «Ден соолукка атайылап оор залал келтирүү» беренесинин негизинде Кылмыштардын жана жоруктардын бирдиктүү реестрине катталды. Аялдын өлүмүнө шектелип, анын жарандык никедеги күйөөсү 34 жаштагы А.А. кармалды. Каракол шаардык сотунун чечими менен шектүүгө карата эки айга камакка алуу түрүндөгү баш коргоо чарасы тандалды», — деп берилет маалыматта.