Бишкекте Кайгуул милиция башкармалыгынын кызматкерлери каршы тилкеге чыккан айдоочуларга 2 саатта 180 миң сомдон ашык айып пул салышты.
Жол кыймылынын коопсуздугун камсыздоо башкы башкармалыгынан билдиришкендей, Instagram социалдык тармагында видео жарыяланып, анда Лев Толстой көчөсү менен кесилишкен Бакаев көчөсүндө унаалар каршы тилкеге чыгып айдап жатканын көрүүгө болот.
Жол инспекторлору окуя болгон жерге дароо барып, жол кыймылынын эрежелерин бузган транспорт каражаттарын аныктап, айдоочуларга188-берененин 5-бөлүгүнө (Каршы кыймыл тилкесине чыгуу менен озуп өтүү же маневр жасоо эрежелерин бузуу) ылайык 15 000 сом өлчөмүндө айып салынган.
Учурда башкармалыктын кызматкерлери тарабынан буга чейин жол кыймылынын эрежесин бузган унаалардын ээлерин административдик жоопкерчиликке тартуу максатында аныктоо иш-чаралары жүргүзүлүүдө.
Посмотреть эту публикацию в Instagram
