Эл аралык издөөдө жүргөн кытайлык жаран Бишкектен кармалды. Бул тууралуу Биринчи май РИИБнин басма сөз кызматы билдирди.
Маалыматка ылайык, Кытай Эл Республикасынын жараны Казакстанда кылмыш кылган, андан соң Бишкекке өтүп келген. Казакстандын УКМКсы Казакстан Республикасынын Кылмыш-жаза кодексинин «Мамлекеттик чек араны атайылап мыйзамсыз кесип өтүү» беренеси боюнча 42 жаштагы шектүүгө мамлекет аралык издөө жарыялаган.
Иштин материалдары кармалган адамды өткөрүп берүүнү уюштуруу үчүн Башкы прокуратурага жөнөтүлдү. Учурда ал Бишкек шаардык ички иштер башкы башкармалыгынын убактылуу кармоочу жайында камакта.
