Казакстанда экс-министр аялынын өлүмүнө шек саналып камалды. Бул тууралуу чет элдик басылмалар жазып чыкты.
Маалыматка ылайык, окуя Астанадагы ресторандардын биринде болгон. Анда 31 жаштагы Салтанат Нукенованы анын жолдошу 43 жаштагы Куандык Бишимбаев катуу сабап салган. Алган жаракаттардан улам аял жеринде каза болгон.
Казакстандын мурдагы экономика министри Куандык Экс-министр 11-ноябрда Астана сотунун чечими менен «Киши өлтүрүү» беренеси боюнча козголгон кылмыш ишинин алкагында эки айга камалды. 12-ноябрдын кечинде ушул ишке байланыштуу Астанадагы «Гастро-борбор» деп аталган соода борборунун жетекчиси да «адам өлүмүн жашырган» деген шек менен кармалды.
Полиция «кылмышты жашыруу» жана «коркунучта калтыруу» беренелери боюнча кылмыш ишин козгоду.
Эске салсак, Бишимбаев мурдагы президент Нурсултан Назарбаевдин тушунда Экономика министрлигин жетектеген. 2018-жылы ал коррупцияга айыпталып, 10 жылга камалган. Бирок 2019-жылы мөөнөтүнөн мурда бошотулган.
