Казакстандан Кыргызстандын аймагына бодо малдарды мыйзамсыз алып келүү фактысы аныкталды. Бул тууралуу УКМКдан билдиришти.
Маалыматка ылайык, 5-январда Талас облусунун Талас районундагы Көпүрө-Базар чек ара айылынын «Чон-Кыя» аймагында УКМК кызматкерлери жана чек ара кызматынын кызматкерлери менен биргеликте Т.Р.Э. аттуу Кыргызстандын жараны контрабандалык жол менен 50 баш ири мүйүздүү малды Казакстандан алып өтүү ишин токтотушту.
Учурда бул факты боюнча тергөөгө чейинки текшерүү иштери башталды, жыйынтыгы боюнча КРнын мыйзамдарына ылайык чаралар көрүлөт.
