Селекция айылында аялын бычактоого шектелип 39 жаштагы жаран кармалган. Учурда бети менен моюну кескиленген аялдын абалы орточо оордукта. Ага 8 саатка созулган операция жасалган.
Ал эми, келиндин апасы «Кызым ал зөөкүргө 19 жашында чыккан. Улуу баласы 17ге чыкты. Кичүүсү 10 жашта. 4 ай мурун сот менен ажырашышкан. Ал ушундан качып, Италияда 4 жыл иштеп келди. Келгенине бир жыл эле болгон. Балдарым деп келген. А тиги зөөкүр сабап, зордуктап жүрдү. Милицияга кайрылып, канча сотко берип жүрдүк. Эч нерсе кыла алышкан жок. Турмушка чыгып жатканда жаш болчу, кызымды коркутуп эле алып алган окшойт. Аны чыгарып жиберишсе, бирөөнүн кызын кескилеп өлтүрүп салышы мүмкүн. Ал коом үчүн кооптуу»,- деп Сереп Медиа маалымат агенттигине билдирген.
