Бүгүн, 18-июлда Министрлер Кабинетинин төрагасы Адылбек Касымалиев Маданият, маалымат жана жаштар саясаты министрлигине 72 даана жаңы автоунаанын ачкычын тапшырды.
Ал белгилегендей, 2025-жылга бекитилген бюджет боюнча маданият тармагына 3 млрд сом каралган.
“Жаңы автобустар – китептерди, жабдууларды, адистерди өз убагында жеткирүүгө, көчмө концерттерди, көргөзмөлөрдү уюштурууга, маданий-агартуу иш-чараларын өткөрүүдө кызматкерлерге ыңгайлуу шарт түзөт деп ишенебиз”, – деди МинКаб төрагасы.
Белгилей кетсек, 72 автоунаа 359 млн сомдон ашык каражатка сатып алынган. Анын 15и – чоң автобус, 57си – кичи автобус. Алынган автоунаалар бардык заманбап талаптарга жооп берет.
