Өзгөчө кырдаалдар министрлигинин тик учагы менен россиялык альпинисттин өмүрү сакталып калды. Бул тууралуу ӨКМден билдиришти.
Маалыматка ылайык, 12-январь күнү ӨКМге туристтик компаниялардын биринен чалуу түшүп, анда Ак-Сай капчыгайындагы «Хижина Рацека» жайында россиялык Е.Ефремова аттуу альпинист бутунан жаракат алганын билдирген.
Жерине ӨКМдин Авиациялык издеп-куткаруу кызматынын тик учагы саат 13:30 учуп, аба-ырайынын катаал шартына карабастан, катуу шамалда «Рацека» мөңгөсүнөн ары 3800 м бийиктикке конуп, жабырлануучуну куткарылган.
Турист тез жардам кызматына өткөрүлүп берилди. Учурда абалы канааттандырарлык.
