Кочкордо сөөгү сарайдан табылган келинди күйөөсү ат менен сүйрөткөн. Бул тууралуу жергиликтүү маалымат булактары жазып чыгышты.
Маалыматка ылайык, 23-январда Нарын облусунун Кочуор районуна караштуу Теңдик айылындагы Тынай-Булак кыштоосунда сарайлардын биринен 22 жаштагы келиндин жансыз денеси табылган.
«23-январь күнү кечке жуук 22 жаштагы келиндин күйөөсү мас абалда үйүнө келип аны ур-тепкиге алып, аёосуз сабаган. Күйөөсүнөн качып чыгып ылдыйкы малын бактырган кишинин үйүнө келген. Күйөөсү келиндин артынан ат менен барып ал жактан чынжыр менен атка байлап, өздөрү жашаган сарайга чейин сүйрөтүп келген. Тилекке каршы, коңшулары артынан барганда келиндин денеси жанчылып, боору эзилип каза болуп калган»,- деп берилет маалыматта.
