Дүйнөлүк саламаттыкты сактоо уюму, жаңыдан жайылып жаткан COVID 19дун Индия штаммы «дельта» коронавирустардын ичинен эң кооптуу, көп өлүмгө алып келүүчү вирус болуп каларын божомолдоодо. Айрыкча, иммунитети алсыз аярлуу катмар жана вакцина алгандардын саны аз жайларда кооптуу. Бул тууралуу чет элдик басмылмалар жазып чыкты.
ДСУУнун өкүлү Майк Райан, «дельтанын» кооптуулугу анын бат жугуу жөндөмүндө дейт. ДСУУ өткөн жумада «дельта» штаммын кооптуу деп жарыялаган. Маалыматка ылайык ал, 2019- жылдын аягы Уханда пайда болгон «альфа» вирусунан жугуштуулугу боюнча 60% жогору.
Индиялык штамм азыркы учурда 92 өлкөдө жайылууда, анын ичинде коңшу Казакстан дагы бар.