Костанай облусунун Рудный шаарында эки жашар бала бешинчи кабаттан кулап каза болду. Бул тууралуу Спутник Казакстан жазып чыкты.
Маалыматка ылайык, окуя Павел Корчагин көчөсүндөгү беш кабаттуу үйдө болгон. Бала алган жараатынан улам ооруканада каза болгон.
«Бала терезенин торуна жөлөнүп жыгылган. Бул окуя боюнча сотко чейинки териштирүү иштерин жүргүзүү үчүн милицияга берилди. Рудный райондук өзгөчө кырдаалдар бөлүмүнүн кызматкерлери балдарды батирде кароосуз калтырбоону жана сактык чараларын көрүүнү суранышты»,- деп берилет маалыматта.