Бүгүн, 31-январда «2022-жыл ичиндеги прокуротура органдарынын ишмердүүлүгү» тууралуу маалымат жыйынында Башкы прокурор Курманкул Зулушев бир нече суроолорго жооп берди.
“Бүгүнкү күндө прокуратура системасында коррупция дээрлик жокко эсе десем болот. Бирок бар, толук жок деп айта албайм. Кызматка орношуудагы акча алуу, тааныш менен кызматка коюу деген жок. Былтыр комиссия эки жолу алмашып, үч баскычтан турган сынак аркылуу 184 кызматкерди кабыл алдык. Быйыл 82си кызматка расмий киришти… Ал эми сотко катышкан иштер, текшерүүлөр боюнча мындай көрүнүштөр бар. Бир иш боюнча төрт кызматкерге кылмыш иши козголуп, экөө камакта. Дагы ушундай фактыларды текшерип жатабыз”, — деди башкы прокурор.
