Учурда курулуш материалдардын баасы былтыркыга салыштырмалуу кескин кымбаттаган. Курулуш материалдарынын кымбаттыгынан улам аз айлык менен жашаган жарандар турак-жай тургузуу мүмкүнчүлүгүнө ээ боло албай жатышкандыгын айтышууда.
«Быйыл өзгөчө Россиядан келген товарлар кымбаттады. Муктаж гана адамдар сатып алгандыктан былтыркыга караганда соода дагы азыраак болууда. Тактайлар былтыр 12миң болсо быйыл 15% ге көтөрүлүп, темирлер 30%ге жогорулады. Ал эми Канттан келген цементтин бир мешогу былтыр 300-320 болсо быйыл 350-370ге көтөрүлдү»,-дейт сатуучу Айбек Маратов.
Белгилей кетсек, кымбатчылык жыгач, цемент жана башка курулуш материалдарына караганда темирден жасалгандарга көбүрөөк таасир эткендей. Бишкектеги Баткен базарындагы сатуучуулар айрым товарлардын көлөмүнө Оруссиядан чектөө дагы киргизилгенин, баалар ошого дагы кымбаттаганын айтышууда.