Кыргызстандын куткаруучулары Япониядан келген эки туристке жардам беришти. Бул тууралуу ӨКМден билдиришти.
Маалыматка караганда, «Ала-Арча» мамлекеттик жаратылыш паркында жайгашкан «Корона чокусу» баш калкалоочу жайынан Япониянын эки жараны жардам сурап кайрылган. Анда туристтердин биринин ден соолугу кескин начарлап кеткени айтылган.
8 куткаруучу тартылып, жабыркаган жаранга биринчи медициналык жардам көрсөтүштү. Экинчи жарандын абалы туруктуу деп бааланган. Эки чет элдик жаран тең тоодон аман-эсен түшүрүлүп, Бишкек шаардык ооруканасына жеткирилди.
