30-декабрь, дүйшөмбүдө, күндүз тоолуу райондордо кар жаашы күтүлөт, дыйканчылык аймактарда күн ачык болот. Батыштан соккон шамалдын ылдамдыгы секундасына 4-9 метрге жетет. Мындай маалыматты Кыргызгидромет таратты.
Абанын температурасы Чүйдө +3…+8, Талас аймагында +2…+7, Ош, Жалал-Абад жана Баткен облустарында +6…+11, Ысык-Көл жергесинде +4…+9 градус жылуу болсо, Нарын өрөөнүндө 0…-5 градуска чейин суук болору болжолдонду.
Борбор калаада күн ачык болуп +5…+7 градуска чейин жылыса, Ош шаарында күндүн табы +9…+11 градуска көтөрүлөт.
Жаңы жылга жаңы үмүттөр жана максаттар менен кадам таштайлы! Келе жаткан жаңы жылыңыздар менен!
