Министрлер кабинетинин төрагасынын орун басары – Улуттук коопсуздук мамлекеттик комитетинин төрагасы Камчыбек Ташиевдин жана Тажикстандын Улуттук коопсуздук мамлекеттик комитетинин төрагасы Саймумин Ятимовдун төрагалыгы астында Тажикстандын Дүйшөмбү шаарында кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын кезектеги кеңешмеси болуп өттү.
Министрлер кабинетинин басма сөз кызматы билдиргендей, кеңешменини жыйынтыгы боюнча тийиштүү протоколго кол коюлду.
Тараптар кийинки кеңешмени Кыргызстандын аймагында өткөрүүнү макулдашышты.
Белгилей кетсек, жолугушуу достук жана өз ара түшүнүшүү манаайында өттү.
