Ички иштер министрлиги Афганстанда өндүрүлгөн ири көлөмдөгү баңгизатты Кыргызстан аркылуу Өзбекстанга ташыган эл аралык кылмыштуу топтун ишмердүүлүгү токтотулганын билдирди.
Атайын операциянын жүрүшүндө мурда бир нече жолу соттолгон 62 жаштагы чет өлкөлүк жаран кармалып, андан 51 килограмм гашиш табылган.
Тергөөнүн маалыматына караганда, кармалган адам Тажикстандан баңгизат алып келип, аны Кыргызстан аркылуу Өзбекстанга өткөрүп турган кылмыштуу топту жетектеген.
Учурда кылмыштуу схеманын бардык катышуучуларын жана баңгизат жеткирүү каналдарын аныктоо боюнча тергөө иштери уланууда.
