15-19-августта Кытайдын Синьцзян-Уйгур автономиялык районунун Кашгар шаарында XV эл аралык «Кашгар жарманкеси» өттү.
Экономика жана коммерция министрлигинен билдиришкендей, быйыл Кыргызстан жарманкенин ардактуу өлкөсү деп тандалды.
Жарманкеде Кыргызстандын Кытайдагы Соода өкүлчүлүгү жана «Кыргыз Экспорт» борборунун колдоосу менен 9 компания продукцияларын тааныштырышты. Алар төмөнкү тармактарды камтыйт: Бал өндүрүү; алкоголдук продукция; кургатылган жемиштер; кол өнөрчүлүк буюмдары; улуттук кийим элементтери; кондитердик азыктар.
Кыргыз павильонуна СУАР Эл өкмөтүнүн төрагасынын орун басары Ние Чжуан баш багып, кыргыз продукциясынын региондор аралык кызматташтыктагы маанисин баса белгиледи.
