Бүгүн, 20-сентябрда «Ала-Арча» мамлекеттик резиденциясында, Терроризм жана экстремизм менен күрөшүү боюнча КМШ конференциясынын алкагында, УКМКнын төрагасы генерал-лейтенант Ташиев төрагалыгы астында Кыргызстандын менен Өзбекстандын чек ара ведомстволорунун башчылары генерал-майор Шаршеев менен генерал-майор Хусановдун ортосунда тар чөйрөдө өзүнчө жолугушуу болуп өттү.
Жолугушууда тараптар биргелешкен чек араны коргоо, делимитация жана демаркация маселелери боюнча бир катар актуалдуу темаларды талкуулашты.
Эки мамлекеттин чек ара ведомстволорунун башчылары чек ара аймагындагы кызматташтыкты бекемдөөнү жана ар кандай иш-чараларды анын ичинде маданий жана спорттук иш-чараларды туруктуу негизде өткөрүүнү макулдашты.
Тараптар чек арачылардын чек арадагы жүрүм-турум линиясынын талаптарын так сактоо менен чек арада келип чыккан бардык маселелер жана сүйлөшүүлөр биргелешкен дипломатиялык жол аркылуу чечүүнү макулдашууга жетишти.
Сүйлөшүүлөр достук кырдаалда жана өз ара түшүнүшүү духунда болуп өттү.
