14–15-май күндөрү Бишкекте Кыргызстан жаштарынын республикалык конгресси өтөт. Ага өлкөнүн бардык аймактарынан жаштар кеңештеринин төрагалары, активисттер жана жаштар саясатынын өкүлдөрү катышат. Бул тууралуу Маданият, маалымат жана жаштар саясаты министрлиги билдирет.
Конгресстин максаты — жаштарды мамлекеттик саясатка активдүү тартуу жана мамлекеттик органдар менен кызматташууну чыңдоо. Жыйынтыгында даярдалган сунуштар тиешелүү мекемелерге жөнөтүлүп, алардын аткарылышын министрлик көзөмөлдөйт.
